Shërbimi Korrektues i Kosovës ka njoftuar se gjatë një kontrolle fizike te një i paraburgosur në Qendrën e Paraburgimit në Gjilan, oficerët kanë gjetur substanca narkotike.

“Dje rreth orës 13:25, në Qendrën e Paraburgimit në Gjilan, gjatë një kontrolle fizike të një të paraburgosuri nga oficeret korrektues, në prezencën e dy zyrtarëve policor, në rrobat e të paraburgosurit janë gjetur substanca të dyshuara narkotike. Lidhur me këtë rast, oficeret korrektues kanë lokalizuar substancën e dyshuar narkotike dhe me njëherë kanë njoftuar Njësitin Antidrogë të Policisë së Kosovës”, thuhet në njoftim.

Me qëllim të eliminimit të dukurive negative nëpër institucionet korrektuese, Shërbimi Korrektues i Kosovës do të vazhdojë ta ketë primare rritjen e nivelit të sigurisë./ Arbresh.info