Liverpooli dhe Klopp dakord për rinovim të kontratës?

17:04 | 11 Maj 2019
Arbresh Info

Trajneri i Liverpoolit, Jurgen Klopp mësohet se është i gatshëm për të nënshkruar një marrëveshje të re.

Kështu pretendon gazetari italian Fabrizio Romano, i cili ka zbuluar gjithashtu se Juventusi është i interesuar në shërbimet e gjermanit, transmeton portali arbresh.info.

Juventusi është në kërkim të zëvendësuesit të Massimiliano Allegrit dhe Klopp është në radarin e tij.

Megjithatë, Romano thotë se Klopp dëshiron të vazhdojë qëndrimin te skuadra në Anfield. Ai aktualisht është nën kontratë deri më 2022, por Romano pretendon se Klopp ka një “pakt” me “Redsat” për të nënshkruar një marrëveshje pas suksesit të tij këtë vit.

Liverpooli raportohet të ketë pranuar garanci që Klopp është i lumtur për të nënshkruar një kontratë të re me klubin dhe tani ata janë të gatshëm për t’i ofruar një kontratë pesë vjeçare që do të vlejë 10 milionë euro për sezon./arbresh.info/