Mesfushori i Barcelonës, Ivan Rakitic thuhet të jetë afër për të siguruar një marrëveshje te Interi por agjenti i tij ka hedhur poshtë këto sugjerime.

Kroati ka qenë pjesë e “Blaugranëve” që nga viti 2014 pasi iu bashkua atyre nga Sevilla, por e ardhmja e tij vazhdon të mbetet misterioze për shkak se klubi spanjoll është eliminuar sërish nga Liga e Kampionëve, transmeton portali arbresh.info.

Mundo Deportivo raporton se Barcelona do të ishte e gatshme për t’i lejuar atij të largohet për 50 milionë euro, një figurë që ka “trembur” Interin.

Megjithatë, Rakitic duket se nuk dëshiron të largohet nga gjiganti katalunas dhe agjenti i tij ka deklaruar se mesfushori është i lumtur në klub.

“Barcelona është njëri nga klubet më të mëdha në botë dhe Ivani është i lumtur për të qenë pjesë e tij”, ka thënë Dejan Rakitic për Tuttomercatoweb.

“Megjithatë, për atë që do të ndodhë në të ardhmen, askush nuk e di”

“Por, kjo është situata sot dhe Ivani është i lumtur në Barcelonë dhe dëshiron të sjellë një tjetër trofe në shtëpi”, përfundoi ai./arbresh.info/