Analisti, Armend Muja, thotë se Kosova pas Samitit të Berlinit gjendet para dy zgjidhjeve. Sipas tij Kosova duhet të bëjë korrektim të kufijve ose të krijojë asociacionin për serbët e veriut.

“Kosova gjendet para dy zgjidhjeve – korrektimit të kufijve dhe asociacionit për serbët e veriut. Këto zgjedhje kanë rezultuar jo sepse Haradinaj apo Thaçi i kanë mbështetur apo promovuar, por sepse ka çarje/ndasi transatlantike dhe brenda BE-së se si të tejkalohet ngërçi në subjektivitetin ndërkombëtar të Kosovës. Taksa ishte vetëm kulmim i tensionit në luftën tit-for-tat ndërmjet Kosovës dhe Serbisë,” është shprehur Muja për arbresh.info.

Sipas tij, taksa e kryeministrit, Ramush Haradinaj, do të jetë irelevante krahasuar me zgjedhjet e vështira që presin Kosovën.

“Ndarjet brenda faktorit politik në Kosovë, ndarjet brenda BE-së, ndarjet brenda aleatëve të NATO dhe perspektiva në zbehjen e liberalizimit të vizave dhe integrimit evropian për Kosovën”, i vlerësoi si zgjedhje të vështira analisti Muja.

Pas përfundimit të Samitit të Berlinit, takimi i radhës do të mbahet me 1 korrik në Francë./arbresh.info/