Cristiano Ronaldo mendohet se do ta luajë edhe sezonin 2019/20 me Juventusin dhe pastaj të largohet nga klubi italian.

Fituesi pesë herë i Topit të Artë mund të kërkojë të shkurtojë qëndrimin e tij në Itali pak pasi vuajti zhgënjimin e eliminimit nga çerekfinalja e Ligës së Kampionëve.

Sipas mediumit italian Gazzetta dello Sport, sezoni i ardhshëm i yllit portugez në Juventus mund të jetë i fundit i tij me fanellën bardhezi.

Sulmuesi portugez mendohet të jetë jashtëzakonisht i zhgënjyer me eliminimin nga Ajaxi dhe kjo ka shkaktuar atë që të mendojë sërish qëndrimin e tij në Torino.

Megjithatë, Ronaldo ka një kontratë të vlefshme deri në vitin 2022 me gjigantët e Serie A , por ka zëra se nëse Juventusi nuk fiton Ligën e Kampionëve sezonin e ardhshëm, ai do të kërkojë largimin nga italianët. /Telegrafi/