WikiLeaks tha se themeluesi i saj do të dëbohet nga ambasada e Ekuadorit në Londër brenda “orëve deri në ditë”. Organizata Jo-fitimprurëse tha se skandali i letrave të Ina, që ka implikuar presidentin e Ekuadorit, ishte pretekst për dëbimin.

WikiLeaks postoi të enjten vonë se themeluesi i saj, Julian Assange, do të dëbohet nga ambasada ekuadoriane në Londër brenda “orëve deri në ditë”, duke cituar një “burim të nivelit të lartë”, transmeton portali arbresh.info.

Assange, i cili përballet me akuza në Shtetet e Bashkuara mbi dokumentet e rrjedhura të qeverisë, mund të arrestohet nga autoritetet kur të largohet nga ambasada.

Assange është fshehur në ambasadën e Ekuadorit që nga viti 2012 për të shmangur arrestimin dhe ekstradimin në Suedi, ku u përball me akuza për përdhunim.

Gjyqësia suedeze ka hedhur poshtë akuzat, por Assange tani përballet me arrestimin në Britani të Madhe për shkeljen e lirimit të tij me kusht, duke ikur.

Assange tha se ai ka frikë se do të ekstradohet në Shtetet e Bashkuara, ku ai përballet me akuza për dokumente të klasifikuara të publikuara në WikiLeaks në 2010. Megjithatë, Britania ka garantuar që themeluesi i WikiLeaks nuk do të ekstradohet në ndonjë vend ku jeta e tij do të ishte në rrezik./Arbresh.info/