Manchester United është mposhtur në takimin si mysafirë kundër Wolves mbrëmjen e sotme (e martë).

Gjiganti anglez pësoi një disfatë me rezultat të ngushtë 2 me 1 këtë mbrëmje nga skuadra nën udhëheqjen e trajnerit Nuno në kuadër të xhiros së 33-të në Premierë Ligë, shkruan portali arbresh.info.

Edhe pse kaluan herët në epërsi pas një supergoli nga Scott McTominay në minutën e 13′, Diogo Jota barazoi shifrat në minutën e 25′ për 1 me 1.

Nikoqirët regjistruan fitore falë golit autogolit në pjesën e dytë nga Chris Smalling në minutën e 77′ ndërkohë që “Djajtë e Kuq” kishin mbetur me vetëm dhjetë lojtarë në fushë që nga minuta e 57′ për shkak të ndëshkimit me dy kartona të verdhë të Ashley Youngut.

Skuadra e Ole Gunnar Solsjaerit dominoi në posedim tutje, por nikoqirët befasonin me kundërsulme duke kërcënuar vazhdimisht portën e portierit David de Gea.

Manchester United qëndron në pozitën e pestë në tabelën e Premierë Ligës me 61 pikë, aq sa ka edhe Tottenhami në top katërshe, ndërsa Wolves qëndrojnë tani në pozitën e shtatë me 47 pikë./arbresh.info/