Kryeministri i vendit, Ramush Haradinaj ka bërë sot homazhe në Kompleksin Memorial “Dëshmorët e Kombit” në Gllogjan, shkruan arbresh.info.

Përmes një postimi në faqen e tij zyrtare në Facebook, i pari Qeverisë së Kosovës ka thënë se  “Dëshmorët e Kombit” në Gllogjan, Gazmend Mehmetaj, Himë Haradinaj dhe Agron Mehmetaj, të cilët ranë dëshmorë 20 vjet më parë, janë  e vërteta, nderi dhe historia e lavdishme.

“Heronjtë dhe dëshmorët janë e vërteta, nderi dhe historia jonë e lavdishme. Në kujtim dhe nderim të sakrifices sublime për lirinë e atdheut, homazhe në Kompleksin Memorial “Dëshmorët e Kombit” në Gllogjan, ku prehen përjetësisht djemtë tanë më të zot. Dëshmorët e 24 Marsit, Gazmend Mehmetaj, Himë Haradinaj dhe Agron Mehmetaj do të jenë burim frymëzimi për ta mbrojtur të drejtën tonë, sot, nesër e përgjithmonë. Lavdi të gjithë atyre që luftuan dhe ranë për lirinë e Kosovës”, është shprehur Haradinaj.