Policia e Kosovës ka thënë se sot ka pranuar informata për një rast gjuajtje me armë zjarri në fshatin Marmull të Gjakovës, ku ka mbetur një i vrarë, dhe një tjetër i plagosur.

“Patrullat policore menjëherë i janë përgjigjur vendit të ngjarjes. Nga vendi i ngjarjes, patrullat policore raportojnë së një i dyshuar (i njohur për policinë) ka shtënë me armë automatike në drejtim të dy meshkujve”, ka thënë Policia.

Po ashtu në ora 18:45 Emergjenca e Spitalit Rajonal “Isa Grezda” në Gjakovë ka njoftuar se kanë pranuar dy persona të plagosur dhe se njëri prej tyre ishte pa shenja jete.

“Besohet se dhe i dyshuari edhe viktimat janë nga po i njëjti fshat. Njësitet policore janë duke kryer procedurat e shikimit të vendit të ngjarjes dhe janë vënë në kërkim të të dyshuarit”, thuhet në njoftimin e policisë.

Lidhur me të rejat rreth rastit do t’iu njoftojmë me kohë.