14 vjeçarit Ahmed Mohamed i cili u arrestua nën dyshimin se kishte ndërtuar bombë, e që në fakt kishte shpikur një orë, po i shkojnë ftesa për takime nga e gjithë bota.
14 vjeçarin mysliman, i cili vijon shkollën në Teksas, para pak minutash, zyrtarisht e ka ftuar themeluesi i Facebook, Mark Zuckerberg.

“E keni parë me siguri sot tregimin për Ahmedin, 14 vjeçarin nga Teksasi që ka krijuar një orë dhe është arrestuar kur atë e mori në shkollë. Duke pasur një ambicie dhe aftësi të tillë, dikush nuk duhet të arrestohet por duhet të duartrokitet. E ardhmja u takon njerëzve si Ahmedi. Ahmed, nëse ndonjëherë dëshiron ta vizitosh Faceboo’un, do të të takoja me kënaqësi. Vazhdo të krijosh..”, shkruan në një status Mark Zuckerberg.

Pas Zuckerbergut, një ftesë interesante për Ahmed Mohamed, ka shkuar edhe nga presidenti amerikan, Barack Obama.

Ai e fton 14 vjeçarin që orën e shpikur ta dorëzojë në Shtëpinë e Bardhë.

“Orë ‘cool’, Ahmed. Dëshiron të na sjellësh në Shtëpinë e Bardhë? Duhet të inspirojmë sa më shumë fëmijët si ti që ta duan shkencën. Kjo është ajo që Amerikën e bën të madhe”, shkruan Obama në Twitter, transmeton Independent.