Disa media beogradase, të afërta më presidentin Aleksandër Vuçiq, kanë hedhur dyshime se Shtetet e Bashkuara të Amerikës janë të përfshira në protestat e opozitës në Serbi.

Gazeta “Novosti” ka publikuar disa fotografi ku shihen diplomatët  amerikanë me organizatorët e protestave të opozitës, në hotel “Hilton” në Beograd.

Mediumi në fjalë ka pasqyruar fotografin ku shihet Katerin Virginia Vlazak, Jelena Anasonović si dhe këshilltari i ambasadës David Lingri Gerenbeka me liderin e PSG Sergej Trifunoviç.

Kësisoj, sipas gazetës, kjo konsiderohet si ndërhyrje e drejtpërdrejtë në politikën e brendshme të Serbisë.

Ndryshe, protestat në Serbi me moton “1në5milionë” po vazhdojnë kundër presidentit Aleksander Vuçiq.  Mbrëmë të tilla protesta kishte  në qytetet Novi Sad, Nish, Bor, Çaçak, Shabac dhe Vranje.

Që muajin e kaluar në 50 qytete të Serbisë janë mbajtur protesta.