Thaçi ftohet në SHBA, premton njohjen e Kosovës nga Serbia

14:34 | 5 Shkurt 2019
Gita

Presidenti i Republikës së Kosovës, Hashim Thaçi është ftuar si mysafir në njërin nga forumet më prestigjioze në ShBA, në Council on Foreign Relations në Washington DC.

Këtë e ka bërë të ditur vet presidenti Thaçi përmes një postimi në faqen e tij zyrtarë në Facebook.

Thaçi ka bërë të ditur se në këtë forum do të flas për angazhimin për të arritur marrëveshjen paqësore gjithëpërfshirëse, të cilat sipas tij do të sjellë njohjen e Kosovës nga Serbia dhe ulësen në Organizatën e Kombeve të Bashkuara.

“Pas pak do jem mysafir në njërin nga forumet më prestigjioze në ShBA, në Council on Foreign Relations në Washington DC, ku do të flas për angazhimin për të arritur marrëveshjen paqësore gjithëpërfshirëse, që do të sjellë njohjen e Kosovës nga Serbia dhe ulësen e shtetit tonë në Organizatën e Kombeve të Bashkuara”, ka shkruar Thaçi.

/Arbresh.info