Flet edhe Veseli: Nuk do të ketë shkëmbim territoresh, aty ku është Amerika është Kosova

15:21 | 31 Janar 2019
M. A.

Me rastin e 22 vjetorit të rënies se Zahir Pajazitit, Kryetari i Kuvendit Kadri Veseli ka bërë homazhe të shtatorja e tij në sheshin që mbanë po të njëjtin emër.

Më këtë rast, kryeparlamentari Veseli tha se Kosova do të ruaj miqësinë me SHBA-në. Ai dha një mesazh të qartë se nuk do të ketë shkëmbim të territoreve dhe do të vazhdoj miqësia me Amerikën.

“Sot është dita e rënies heroike e tre komandantëve. Këta janë shtyllat e lirisë se bashku me heronjtë e tjerë. Ne synim e kemi shkuarjen ka bashkimi evropian.

Gjithë përpjekja jonë është ta mbrojmë atë qe kemi arrit dhe ta ruajmë miqësinë me SHBA-te. Aty ku është Amerika është Kosova. Unë qëndroj prapa asaj që Mitrovica do të jete një, nuk do të ketë shkëmbim të territoreve dhe do të jemi bashkuar më miqtë tanë Amerikanë. Pak ka rendësi karriget tona e rëndësishme është sovraniteti i vendit”, ka deklaruar Veseli.