Javën e fundit shtetet në rajon janë përfshirë nga një epidemi e fruthit por Kosova nuk është në rrezik.

Kështu ka bërë të ditur Naser Ramadani, drejtor i Institutit Kombëtar të Shëndetësisë Publike në Kosovë, shkruan arbresh.info.

Ramadani përmes një postimi në facebook ka shkruar se Kosovë nuk ka epidemi të fruthit.

“Epidemia e fruthit në vendet e rajonit dhe disa shtete evropiane!
Në Kosovë nuk ka epidemi të fruthit!”, ka shkruar ai.

Ai po ashtu u ka bërë thirrje prindërve të vaksinojnë fëmijët për të mbrojtur shëndetin e tyre.

“Apel prindëve!
Nëse për shkaqe të ndryshme nuk i keni vaksinuar fëmijët lajmërohuni menjëherë në Qendrat Kryesore të Mjekësisë Familiare në komunat përkatëse për të mbrojtur shëndetin e fëmijëve”, ka përfunduar Ramadani.

E veç dhjetëra rasteve të prekura nga fruthi sot në Shqipëri është raportuar edhe për një humbje jete të një foshnje 4 muajshe./Arbresh.info/

Lexo edhe: Humb jetën foshnja katër muajshe nga fruthi