Antonio Valencia synon të largohet nga Manchester United në fund të sezonit dhe tashmë është duke negociuar me Interin.

Qasja e Interit dhe negociatat me mbrojtësin 33-vjeçare të krahut të djathtë tashmë janë përmendur në Itali.

Por, tani edhe gazeta angleze Mirror pohon se bisedimet mes Interit dhe Valencian kanë filluar.

Nerazzurrët dhe mbrojtësi ekuadorian tashmë janë duke biseduar mbi kushtet personale.

Valencia do të jetë lojtar i lirë kur kontrata e tij në Old Trafford përfundon në qershor dhe ai ka ndërmend të largohet pas 10 vjetësh në klubin anglez.

Reprezentuesi i Ekuadorit erdhi nga Wigani në vitin 2009 si një mesfushor krahu, por u shndërrua në një mbrojtës efektiv i krahut të djathtë.

Edhe pse Manchester Unitedi ka një mundësi për të zgjatur kontratën e tij edhe për 12 muaj, nuk duket sikur ata do ta përdorin atë.

Lojtari është kapiten i Unitedit, ndërsa në këtë sezon ka zhvilluar gjithsej tetë ndeshje në të gjitha garat.