Policia e Gjirokastrës, sektori anti-narkotizëm ka prangosur dy persona të shpallur në kërkim në Lazarat. Sipas njoftimit të Policisë mësohet se të arrestuarit janë Alim Hallaçi, për  “Prodhim dhe shitje narkotikësh”,  “Kultivim i bimëve narkotike” dhe  dhe Lefter Bocia, për “Heqja e paligjshme e lirisë”.

Arrestimi i dy personave më lart erdhi si rezultat i një operacioni të mireorganizuar  nga Sektori Kundër Narkotikëve në Drejtorinë e Policisë së Qarkut Gjirokastër në bashkëpunim me Efektivat e Komisariatit të Policisë Gjirokastër është bërë e mundur kapja dhe ndalimi i dy shtetasve nga Alim Hallaçi, 46 vjeç banues në fshatin Lazarat,Gjirokastër. Ndalimi i tij u bë pasi, Gjykata e Shkallës së parë  Gjirokastër me Vendim Nr.532,datë 21.11.2014 ka caktuar në ngarkim të këtij shtetasi masën e sigurisë “Arrest në burg” për veprën penale  e sipërcituara.

Lefter Bocia, 52 vjeç,  lindur në Lazarat Gjirokastër. Ndalimi i tij u bë pasi, më datën 25.08.2015, rreth orës 21.00, në vendin e quajtur “Vreshtat e fshatit Dervician” , per motive banale, ka lidhur me litar e goditur me grusht dhe me shkop druri në kokë dhe në trup duke i shkaktuar dëmtime fizike dhe më pas e ka futur në bagazhin e makinës së tij,  shtetasin K.M , 27 vjeç, banues në Libohovë, Gjirokastër.