Partia Demokratike i bën thirrje Ilir Metës që të mos dekretojë ministrat e rinj të propozuar nga kryeministri Edi Rama.

Deputeti demokrat, njëherësh ish ministër i jashtëm i PD, Tritan Shehu thotë se mos-dekretimi nga Presidenti i këtyre ministrave, duke filluar nga ministri i Jashtëm do të ishte i bazuar.

“Mos dekretimi nga Presidenti Meta i ministrave te rinj, duke filluar nga Ministri i Jashtëm, do të ishte i bazuar.

Kandidaturat e reja për në Qeveri përbejnë një “shaka” kakofoni-ke, që nuk premton përmirësim të krizës ku është futur vendi, përkundrazi…

Emërimi kryeministror, se pari i Ministrit te Jashtëm, detyre qe lidhet me çështje te sigurisë kombëtare, integrimit, stabilitetit te Rajonit, ruajtjes se tërësisë territoriale te kombit, marrëdhënieve me NATO-n etj, përben se paku aventurizëm politik i maskuar ky me një “nacionalizëm” grotesk.

Kryeministri duhet te qartësoje veçanërisht qëllimin e atij emërimi (qe po shqetëson edhe miqtë tanë), origjinën e propozimit te asaj kandidature, mundësinë e një korrelacioni me disa procese te rrezikshme, etj.

E kundërta, ulja e nivelit te argumenteve deri tek sasia e librave te lexuara, qe me kujton Distinktivin “Miku i Vogël i Librit”, flet për mungese serioziteti, qe veçse shton paqartësitë.

Në qoftë se ne shqiptarët nuk do të dimë të prezantohemi dhe të mbrojmë me dinjitet e besueshmëri interesat tona, apo akoma më keq në qoftë se ne do të pranojmë qe disa “argatë a pupace” në “shqip” dhe në emrin tone ti servirin partnereve opsionet e kundërta e të “gatuara” gjetke, e ardhmja nuk na premton asgjë të mirë”, deklaron Tritan Shehu.(TemA)