Granit Xhaka ka shënuar një gol shumë ndryshe nga ato që jemi mësuar t’i shohim më parë.

Mesfushori kosovar realizoi golin e parë për Arsenalin gjatë fitores 4 me 1 pasditen e sotme (e martë) kundër Fulhamit si nikoqir në Emirates në kuadër të xhiros së 20-të në Premierë Ligë, shkruan portali arbresh.info.

Pas tij portën gjetën Alexandre Lacazzete (55′), Aaron Ramsey (79′) dhe Pierre Emerick Aubameyang (83′), ndërsa golin e vetëm për mysafirët e realizoi Aboubakar Kamara në minutën e 69′.

Sidoqoftë, goli në minutën e 25′ i shënuar nga reprezentuesi për skuadrën nën udhëheqjen e Unai Emery ishte ndryshe nga ajo që kemi parë në të kaluarën.

Nga gjashtë golat e shënuara deri tani me fanellën skuadrës londineze, Xhaka ka shënuar pesë jashtë zonës së rreptësisë por i fundit kundër Fulhamit ishte i pari në Premierë Ligë brenda zonës së rreptësisë, diçka e rrallë nga 25-vjeçari.

Me fitoren e sotme, Arsenali vazhdon luftën për top katërshe në Premierë Ligë./arbresh.info/

Shikoni më poshtë golin e tij: