Ish kapiteni i Manchester United, Wayne Rooney e ka përkrahur vendimin e klubit për të shkarkuar Jose Mourinhon dhe thotë se Ole Gunnar Solskjaeri do t’i sjellë freski skuadrës.

United ka ndarë rrugët me Mourinhon të hënën pasi Liverpooli mposhti “Djajtë e Kuq” me rezultat 3 me 1 në Anfield duke i lënë ata me 19 pikë prapa rivalit të tyre, transmeton portali arbresh.info.

Rooney ka shpenzuar një sezon nën udhëheqjen e Mourinhos, por vendosi të largohet nga klubi për kalim në Everton si pasojë e qëndrimit të shumtë në bankinë. 33-vjeçari më pas është transferuar në DC United, por thotë se ai qëndron në kontakt me shumicën e skuadrës dhe ka thënë se “diçka” duhej të ndryshonte.

“Diçka duhej të ndryshonte. Ishte një vendim i duhur (për shkarkimin e Joses)”, ka thënë Rooney për ‘BT Sports’. “Klubi i ka dhënë Oles detyrën deri në fund të sezonit për të parë se si do të shkojë”

“Qëndrojë në kontakt me shumicën e njerëzve në klub. Flas me ata shumë. Që të jeni një klub i suksesshëm ju duhet që të bëni gjithçka në formën e duhur”

“Raporti mes disa personave te stafi dhe lojtarëve nuk ka qenë i mirë. Sjellja e Oles dhe Mickut brenda do të ndryshojë gjërat”

/arbresh.info/