Kryetari i Partisë Demokratike, Lulzim Basha, ishte sërish mbrëmjen e sotme në krahë të banorëve të Unazës së re, të cilët protestojnë kundër projektit klientelist të kryeministrit Edi Rama.

Në fjalën e tij ai ju bëri thirrje të gjithë shqiptarëve që t’i bashkohen ditën e nesërme protestës studentore para parlamentit dhe të nisin betejën për rrëzimin e së keqes.

“Edi Rama qëndron pas supervjedhjes së 40 milionë eurove, po ashtu edhe pas kompanisë së falsifikuar është sërish Edi Rama. Ai është po kështu ai që bëri të mundur ndryshimin e një plani urbanistik. Ndryshimi i planit urbanistik në pjesën e Unazës së Re, ka zhvendosur lanin për të zhvendosur 200 familje për të mbrojtur pronën e Edmond Begos, lidhja e gushtë e Taulant Ballës. 140 mijë të rinj dhe qindra mijëra të tjerë nuk mund të jenë peng i kësaj klike të korruptuar. Këta duhen çuara para drejtësisë nga i pari tek i fundit. E vetmja mënyrë për të dalë nga kjo katrahurë është përballja totale. Nuk ka asnjë rrugë tjetër., përveç përballjes totale me të gjitha format dhe mënyrat. Rama e pa sot në Vlorë se askush nuk e beson më. Ju bëj një thirrje të gjithë qytetarëve që të bashkohen nesër me studentët para kuvendit. e vetmja shpresë e kësaj bande hajdutësh është të helmojnë shqiptarët. I ftoj të gjithë shqiptarët që të nisim nesër një rezistencë për tu përballur dhe për rrëzuar të keqen”.