Gazetari Artan Hoxha e ka vënë siklet kryeministrin Edi Rama gjatë një intervistë në emisionin “Java” në RTSH. Gazetari Hoxha e ka pyetur Ramën se pse ishin vendosur vajzat para në gardhin e efektivëve, gjatë protestës së banorëve të Astirit para Kuvendit ditën e djeshme.

“Pse vutë vajzat para në gardhin e efektivëve? Se u mor si provokim, sikur ato ishin të papërgatitura mirë”, – ka thënë gazetari.

“Këtu jetojmë në një vend shumë interesant, këtu ç’a nuk thuhet. Vajzat janë vënë edhe më parë kjo nuk është shpikje e jona. Inës fillimisht lënda plasëse i ka rënë në qafë. Larg qoftë, po të mos e kishte larguar do ishim në funeral sot. Dhe ajo nuk ka qenë fishekzjarr ka qenë, lëndë plasëse. E ka nxjerrë edhe ekspertiza në Turqi, shkruhet plagosje e rëndë me bombë”, – është shprehur Rama.