I huazuari nga Real Madridi, Mateo Kovacic thotë se ai është shumë i lumtur me jetën në Chelsea.

Por, mesfushori qendror kroat ka pranuar gjithashtu se nuk e dinë se ku qëndron e ardhmja e tij, transmeton portali arbresh.info.

“Blutë” nuk kanë ndonjë marrëveshje për të nënshkruar me të në formë të përhershme nga Real Madridi kur të skadojë marrëveshje për huazimin e tij në fund të sezonit.

“Unë dua të jem i lumtur dhe në Chelsean jam”, ka thënë ai në një intervistë me gazetën ‘Marca’.

“Unë thjeshtë kam dashur të jem i lumtur dhe të luaj ndeshje, të ndjej përgjegjësi me skuadrën dhe këtë e kam gjetur te Chelsea. Tani nuk është koha për të folur për diçka tjetër më shumë se përveç të luajmë dhe të shijojmë”

“Nuk dua të mendoj se çfarë do të ndodhë në të ardhmen dhe dua të jem i lumtur duke bërë atë që dua, gjë që është të luaj futboll çdo javë”

/arbresh.info/