Kina ka deklaruar se nuk ka paraqitur asnjë kërcënim për Europën, pasi reagoi ndaj një propozimi të presidentit francez Emmanuel Macron për krijimin e ushtrisë europiane, me qëllim që të mbrohet nga Kina, Rusia dhe Shtetet e Bashkuara.

“Ne kurrë nuk kemi paraqitur ndonjë kërcënim për Europën”,tha zëdhënësja e ministrisë së jashtme kineze Hua Chunying, kur u pyetën rreth kësaj çështjeje në një konferencë për shtyp në Pekin, transmeton portali arbresh.info

Ajo tha se ndërsa “Europa ka të drejtën e saj të vendosë për politikat e saj të jashtme dhe të mbrojtjes”, udhëhqësit europianë në fak kanë shprehur dëshirën për bashkëpunim të ngushtë me Kinën.

Macron ka hapur një polemikë javën e kaluar me propozimin e tij, e cila është një temë e ndjeshmë mes vendeve europiane të prirura për të trajtuar mbrojtjen e tyre dhe në dritën e thirrjeve të Presidentit të SHBA Donald Trump për Europën që të mëbshtesë më shumë NATO-n.

Trump e ka quajtur idenë e Macron “shumë fyese”, duke thënë se Europa duhet të paguajë se pari pjesën e saj për NATO-n, pasi sipas Trump “SHBA e subvencionin më shumë”.

Idenë e Macron e ka përkhrahur edhe kancelarja gjermane Angela Merkel.

Gjatë një sesioni të parlamentit europian, ajo theksoi se Europa ka nevojë të forcojë aftësinë e vet-mbrojtjes dhe tha se një ushtri europiane mund të konkuronte paralelisht me NATO-n./arbresh.info/