Sarandë: Gjendet bomba e Luftës së Dytë Botërore (Video)

13:36 | 2 Shtator 2015
Gita

Në detin Jon është gjetur një bombë që i përket Luftës së Dytë Botërore. Bomba ishte në brigjet e qytetit të Sarandës, pranë vendit të quajtur Limani i qytetit, dhe u pikas nga një grup fëmijësh që po freskoheshin në det.

Të kuriozuar nga predha luftarake, e kanë nxjerrë në breg dhe kanë luajtur për disa çaste me të, madje edhe e kanë përplasur në tokë, por fatmirësisht nuk ka shpërthyer, shkruan oranews.tv.

Personi që e gjeti bombën i tregoi atë prindërve të cilët e hodhën në det dhe menjëherë e kane njoftuar policinë. Në vendngjarje kanë shkuar edhe forcat e komisariatit të kufirit Sarandë të cilat e kanë konstatuar bombën duke zyrtarizuar që ajo i përket luftës së dytë Botërore. Sipas Komisariatit të kufirit, tashmë i ngelet policisë së rendit për ta lëvizur bombën.