Goli nga sulmuesi francez Olivier Giroud i ka siguruar tri pikë Chelseat mbrëmjen e sotme kundër BATE Borisovit duke e dërguar skuadrën angleze në raundin e ardhshëm të UEFA Evropa Ligës.

Chelsea regjistroi fitore me rezultat minimal 0 me 1 në takimin e zhvilluar në kuadër të xhiros së katërt të Grupit L në UEFA Evropa Ligë kundër Bate Borisovit, shkruan portali arbresh.info.

Goli i parë nga Oliver Giroud për klubin pas gjashtë muajve arriti t’i siguroj tri pikë të plota skuadrës nën udhëheqjen e Marizio Sarrit në takimin si mysafirë në Bjellorsi.

Reprezentuesi i Francës realizoi me kokë vetëm shtatë minuta pas fillimit të pjesës së dytë duke zhbllokuar shifrat për 0 me 1 në stadiumin Borisov Arena pas asistimit nga mbrojtësi i krahut të majtë, Emerson.

Me këtë fitore “Blutë” kanë konfirmuar vendin e tyre në 32 skuadrat e mbetura në UEFA Evropa Ligë

PAOK-i dhe MOL Vidi janë dy skuadrat e tjera me të cilët do të përballen londinezët në dy takimet tjera të mbetura në kompeticionin e dytë më të madh evropian./arbresh.info/

Shikoni më poshtë golin nga Giroud: