Një lajm i bujshëm ka qenë sot vrasja nga RENEA e Kostandin Kacifas, i ri grek, që ka qëlluar më herët në drejtim të policisë shqiptare. Njerëzit, pasi janë informuar për vrasjen e tij në fshatin Bularat të Gjirokastrës, kanë komentuar në profilin e viktimës.

Ata që komentojnë janë më së shumti grekë, që jetojnë në vendin tonë ose në Greqi, por ka edhe shqiptarë. Grekët komentojnë: “Ai është një hero”, ndërsa dikush tjetër shprehet: “Po armën çfarë e donte? Me armë festohet?”, ndërsa ka nga ata që shprehin ngushëllime për humbjen e një jete kaq të re, shkruan gazeta “Shekulli”.

Për vrasjen e Kostandin Kacifas nga RENEA, pasi ai sulmoi policinë, ka reaguar edhe Ministria e Jashtme greke. MPJ e shtetit fqinj tha se është e papranueshme vrasja e një të riu, ndërsa tha se do të bashkëpunojë me autoritetet shqiptare. Grekët kanë paralajmëruar protesta në 19.30 minuta pranë Ambasadës greke në Tiranë.