Dy persona janë arrestuar në Pejë. Pas një mosmarrëveshje janë kacafytur dhe rrahur në mes vete.

Njëri nga të dyshuarit ka përdorur armën e zjarrit-revolen, duke shtëne në drejtim të dyshuarit tjetër i cili ishte duke u larguar me automjetin e tije me tabela vendore por pa pasoja.

Rastit iu kanë përgjigjur njësitet relevante Policore. Në vendin e ngjarjes janë gjetur dhe konfiskuar një gëzhojë dhe një fishek kal.7.65 mm.

Dy të dyshuarit pas intervistimit, njëri nga të dyshuarit nuk ka dorëzuar armën e zjarrit. Me vendimin e Prokurorit, të dyshuari janë dërguar në qendrën e mbajtjes.

Lajmin e ka konfirmuar edhe zëdhënësi i Policisë për Rajonin e Pejës, Driton Rugova.

Po ashtu Rugova ka deklaruar se me urdhër të Prokurorit, të dy personat janë dërguar në mbajtje.

”Rreth orës 17:20, Policia e Kosovës është njoftuar për një zënkë mes dy personave, fillimisht ka nisur si fjalosje por ka përfunduar me gjuajtje të armëve në drejtim të makinës së njërit nga të dyshuarit. Si pasojë njëri është lënduar nga kacafytja. Me urdhër të prokurorit dy personat janë dërguar në mbajtje”, ka thënë Rugova.
Rasti është cilësuar si vrasje në tentativ.