Chelsea dhe Manchester United kanë publikuar formacionet zyrtare për ndeshjen mes tyre pasditen e sotme (e shtunë).

Dy skuadrat angleze kanë zbuluar njëmbëdhjetshen startuese për takimin mes tyre në kuadër të xhiros së nëntë në Premierë Ligë, shkruan portali arbresh.info.

Me përfundimin e pushimeve ndërkombëtare, Premierë Ligë e Anglisë rikthehet me një super ndeshje mes rivalëve më të mëdhenj në futbollin anglez.

Përmbysja në formë sensacionale e rezultatit kundër Newcastles javë më parë i siguroi edhe disa ditë Jose Mourinhos në Manchester United. Por, a do të jenë në gjendje “Djajtë e Kuq” të marrin edhe tri pikë sot kundër “Bluve?

Skuadra nën udhëheqjen e Maurizio Sarrit është e pamposhtur këtë sezon dhe ata duken plotësisht të rivitalizuar nën udhëheqjen e trajnerit të ri. Ata kanë fituar gjashtë ndeshjet e tyre të fundit si nikoqir kundër Manchester United në shtëpi duke shënuar gjashtë gola dhe duke mos pranuar asnjëherë.

Chelsea është poashtu i pamposhtur në Stamford Bridge nga vizitori i sotëm që nga viti 2012.

Sidoqoftë, United njihet historikisht për shprehin e tyre që të shpëtojnë vetën kur duken se janë të humbur plotësisht – kjo është pjesë e ADN-së së tyre.

Takimi ndërmjet dy skuadrave zhvillohet nga ora 13:30./arbresh.info/

Formacioni i Chelseat: Arrizabalaga, Azpilicueta, Rudiger, Luiz, Alonso, Kante, Jorginho, Kovacic, Willian, Morata, Hazard.

Në bankinë: Fabregas, Barkley, Pedro, Caballero, Giroud, Zappacosta, Cahill.

Formacioni i Manchester United: De Gea, Young, Lindelof, Smalling, Shaw, Pogba, Matic, Rashford, Mata, Martial, Lukaku.

Në bankinë: Bailly, Sanchez, Andreas Pereira, Fred, Ander Herrera, Romero, Darmian.