Arrestohet çifti, u përpoq të shiste fëmijën e palindur në Facebook

10:50 | 25 Shtator 2018
Arbresh.info

Një çift nga Egjipti është arrestuar pasi është përpjekur të shesë fëmijën e palindur në një grup në rrjetin social Facebook.

“Nëse është dikush i interesuar në adoptimin e një fëmije që do lindë brenda dy javësh, ju lutem më kontaktoni. Adoptimi bëhet drejtpërdrejt nga nëna dhe babai. Lejohen vetëm njerëz seriozë”, shkruajti Hana Mohamed.

Postimi që u shpërnda në grupin “Adopto një fëmijë” shkaktoi zemërim të madh tek lexuesit, të cilët e raportuan incidentin në Këshillin Kombëtar për Fëmijërinë dhe Amësinë.

Çmimi për foshnjën e palindur ishte 111 dollarë dhe nuk diskutohej për ulje.

Babai është pas hekurave dhe insiston se oferta vazhdon të jetë e vlefshme.

Ndërsa nëna është në spital nën mbikëqyrjen e policisë.

Foshnja që do lindë është fëmija i dytë i çiftit.