Demenca mund të parashikohet dhjetë vjet më parë, pohojnë shkencëtarët të cilët kanë krijuar një algoritëm që punon si një top kristali.

Ai kombinon një test gjaku me moshën dhe gjininë e personit për të përcaktuar rrezikun e zhvillimit të një sëmundjeje neurologjike.

Për shembull, gratë në 80-at e tyre që mbartin një gjen të lidhur me çmenduri – një term ombrellë për disa çrregullime – janë deri në një çerek më të prekshëm dhe ata në 70-të e tyre kanë gjashtë herë më shumë gjasa të goditen brenda dekadës së ardhshme.

Rreziqet për homologët meshkuj janë pothuajse aq të larta, thuhet në studim.

Një dietë e shëndetshme me shumë stërvitje që nxisin rrjedhjen e gjakut, mendohet të jenë masë mbrojtëse.

Profesoresha Ruth Frikke-Schmidt, i Universitetit të Kopenhagës, tha se hipertensioni, pirja e duhanit, diabeti, obeziteti, depresioni dhe humbja e dëgjimit mund të ngadalësojnë ose parandalojnë zhvillimin e sëmundjeve.

“Nëse individët në rrezik më të lartë mund të identifikohen, një parandalim në shënjestër me reduktimin e faktorëve të rrezikut mund të iniciohet herët para se sëmundja të zhvillohet”, tha ajo.

Sipas saj, kjo do të vononte fillimin e demencës ose madje ta parandalojë atë.

Demenca aktualisht godet 850,000 njerëz në Britani të Madhe, shifër kjo e cila do të rritet deri në dy milionë deri në vitin 2050 për shkak të popullsisë së plakur.

Aktualisht, nuk ka shërim për demencë, por barnat mund të ngadalësojnë progresin e saj.

Studimi i ri përfshiu të dhëna në 104,537 njerëz dhe e lidhi atë me diagnozat e demencës.