Shefi i GP-së së LDK-së, Avdullah Hoti, në një paraqitje direkte nga Kuvendi i Kosovës tha se po presin të përfundojë seanca e thirrur nga pozita dhe të fillojë ajo e thirrur nga opozita. Tha se qëllimi i kësaj seance është copëtimi i Kosovës por se një gjë të tillë nuk do ta lejojnë.

“Situatë e keqe, shumica e keqe parlamentare po bën pazare për të arritur marrëveshje me Serbinë. Na vjen keq dhe është situatë fatkeqe për vendin. Këtë gjë nuk do ta lejojmë”, tha Hoti.

Më tej u pyet edhe për pjesëmarrjen e Teuta Rugovës në seancën e sotme, ai tha se qëndrimi i saj është në kundërshtim me LDK-në.

“Depuetja ka nënshkru për me qenë në seancën e opozitës, prezenca e saj në seancën e sotme është në kundërshtim me LDK-në dhe secili obligohet që t’i respektojë këto”, tha Hoti.

Më tej tha se edhe Haradinaj ka ndërruar qëndrimet si me rastin e Demarkacionit.

“Nuk ka rrugë tjetër vetëm që këta njerëz të ndalen. Po presim të përfundojë seanca dhe të mbajmë seancën që e kemi thirrur ne”, përfundoi Hoti.