Arsenali ka regjistruar tri pikët e para këtë edicion nën udhëheqjen e Unai Emery.

Pas dy disfata radhazi, “Topçinjtë” më në fund siguruan fitore nën udhëheqjen e trajnerit të ri spanjoll duke mposhtur në derbin londinez West Ham United në Emirates me rezultat 3 me 1, shkruan portali arbresh.info.

Skuadra nën udhëheqjen e Manuel Pellegri kaloi në epërsi në minutën e 25′ pas golit nga reprezentuesi austriak Marko Arnautovic. Mirëpo, Nacho Monreal barazoi shifrat për 1 me 1 pas vetëm pesë minuta.

Gjiganti anglez përmbysi rezultatin në pjesën e dytë me një autogol nga Issa Diop në minutën e 70′ të ndeshjes, por shpresave për ndonjë barazim nga West Hami i dha fund Danny Welbeck me golin e realizuar në minutën e tretë të kohës shtesë për 3 me 1.

Granit Xhaka dhe Shkodran Mustafi ishin në fushë për 90 minuta dhe shfaqën paraqitje mjaftë solide.

Rivali i ardhshëm i Arsenalit është Cardiff City, ndërsa West Hami do të përballet me Wimbledonin./arbresh.info/