Ivan Perisic është i lumtur te Interi dhe nuk ka ndërmend të largohet nga gjiganti italian.

Anësori është në pushime deri më 10 gusht pasi i ndihmoi Kroacisë të arrijë deri në finale të Kampionatit Botëror në Rusi, transmeton portali arbresh.info.

“Vitin e kaluar, unë nënshkrova një kontratë pesë vjeçare me Interin”, ka thënë Perisic.

“Ndihem sikur jam në top nivel dhe kjo është ajo që unë e dua më së shumti. Është e vërtetë që Interi nuk ka fituar që nga viti 2010, gjë që është e kundërta me atë që duhet të jetë, por unë mendoj se Interi do t’i rikthehet ditëve të mira”

“Nëse do doja ta ndryshoja klubin, do ta bëja këtë vetëm për një top klub dhe një ligë madhështore”

“Liga e Kampionëve është gjëja e parë do doja të bëjë diçka konkrete në atë kompeticion sepse nuk kam luajtur në Ligë të Kampionëve që gjashtë vite”

Ivan Perisic është shënjestër e Bayern Munichut dhe Manchester United./arbresh.info/