Sarri nuk lejon largimin e dy yjeve të skuadrës

15:15 | 3 Gusht 2018
Arbresh Info

Trajneri i ri i Chelseas, Maurizio Sarri dëshiron të mbajë këtë sezon në skuadër dyshen belge, Thibaut Courtois dhe Eden Hazard.

‘Daily Mail’ raporton që Sarri do t’i thotë të shtunën në biseda sy me sy dyshes së lartpërmendur që nuk mund të shkojnë askund, transmeton portali arbresh.info.

Courtois ka qenë subjekt i një oferte prej 35 milionë funta nga Real Madridi, por Chelsea nuk dëshiron ta shes atë në asnjë çmim.

Hazard është gjithashtu shënjestër e ‘Los Blancos’, por Chelsea nuk dëshiron ta lejoj largimin e yllit kryesor të skuadrës para sezonit të parë të Sarrit në Premierë Ligë.

Të dy pritet të jenë të pranishëm në kampin stërvitës Cobham të Chelseas të premten, pasi i ndihmuan Belgjikës të siguroj vendin e tretë në Kampionatin Botëror “Rusia 2018”./arbresh.info/