Artan Murati nga Instituti Demokratik i Kosovës ka pohuar se nuk është detyrë e opozitës që të sigurojë numrat në kuvend për miratimin e ligjeve.

“Nuk është detyre e opozitës që të siguroje numrat që të kalojë qoftë edhe ndonjë ligj të thjeshtë. Për atë arsye është koncepti i mazhorancës”.

Megjithatë, ai ka theksuar se një gjë e tillë nuk vlen kur vije puna tek marrëveshjet ndërkombëtare.

“Nuk e ka për obligim opozita t’ju bëj numrat, mirëpo është çështja tjetër kur vjen puna tek marrëveshjet ndërkombëtare. Ato janë obligim i gjithë skenës politike në vend. Kjo është e njëjtë në të gjitha sistemet demokratike të zhvilluara”.

Murati ka folur për miratimin e marrëveshjes ndërkombëtare në lidhje me Erasmus +, duke vënë në pah humbjen e afatit për aplikim pikërisht për shkak të mos-miratimit të kësaj marrëveshje nga kuvendi.

Ndryshe është situata, sipas tij, nëpër komisionet parlamentare, e që sipas tij puna më e madhe kryhet pikërisht nëpër këto komisione dhe se rrallë herë mund të eskalojë situata./klan kosova/