Elizabeta Ymeraj është prokurorja e emëruar në krye të Prokurorisë së Tiranës. Kjo gjë ka ndodhur pas shkarkimit të Dritan Rreshkës.

Ymeraj deri më tani ishte një prokurore pranë Prokurorisë së Krimeve të Rënda, e cila ka hetuar ndër të tjera edhe ish-ministrin e Brendshëm Saimir Tahiri. Në lidhje me emërimin e shpejtë nga Arta Marku, ka informuar Prokuroria e Përgjithshme.

Rreshka u shkarkua dje më datë 31 korrik 2018, teksa vendimi është dhënë nga ana e KPK. Në çastin që është dhënë vendimi, prokurori nuk ka qenë i pranishëm në sallë. Nga ana e Komisionit të Pavarur të Kualifikimit u konstatua se kishte deklarime të rreme dhe fshehje të pasurisë nga Rreshka e gjithashtu edhe nuk ka pasur burime të ligjshme të pasurisë. Sipas ILDKPKI, Rreshka nuk kishte bërë deklarim të saktë, kishte mungesë burimesh financiare, kishte bërë fshehje pasurie dhe deklarim të rremë. KPK arriti në përfundimin se subjekti ka probleme të theksuara dhe nuk mund të vijojë të mbajë postin./shekulli