Vëmendja e Qeverisë për momentin është në Samitin e NATO-s, e caktuar më 11 dhe 12 korrik në Bruksel, me qëllimin që të shlyhet çdo mundësi për çfarëdo çështje të hapur apo problemi, ndërsa Maqedonia pasi të merr ftesën e shumë pritur, energjia do të fokusohet drejt referendumit për marrëveshjen me Greqinë, përcjell Telegrafi Maqedoni.

Këtë sot e tha zv. kryeministrja dhe ministrja e mbrojtjes, Radmilla Sheqerinska, duke ju përgjigjur pyetjes së gazetarëve për atë se a kanë pajtim me koalicionin qeveritar rreth referendumit për marrëveshjen me Greqinë.

“Me të vërtet vëmendja jonë është që ta fitojmë në vitin 2018, atë çka e kemi humbur në vitin 2008-të. Në ndërkohë bisedojmë, konsultohemi me juristët, ekspertët dhe presim që pas Samitit të NATO-s për këtë temë të merret vendim atje ku duhet, ndërsa ajo është Kuvendi i Republikës së Maqedonisë”, tha Sheqerinska.

Tha se në koalicion ekziston pajtueshmëri e plotë, ndërsa zgjidhja e problemit duhet të jetë i qëndrueshëm, cilësor në të cilën në mënyrë të vërtet do të na hap dyert drejtë BE-së dhe NATO-s.