Nga Grupi E në Kampionatin Botëror, Zvicra dhe Brazili janë dy skuadrat që kanë arritur të vazhdojnë tutje.

Pas barazimit befasues 1 me 1 të siguruar kundër Brazilit, fitores tronditëse 1 me 2 kundër Serbisë falë golave nga Granit Xhaka dhe Xherdan Shaqiri dhe barazimit 2 me 2 kundër Costa Ricas mbrëmjen e sotme (e mërkurë), Zvicra e shqiptarëve ka siguruar një vend në raundin e ardhshëm të turneut madhështor në Rusi, shkruan portali arbresh.info.Edhe pse ndau pikët me rivalin e xhiros së tretë në kuadër të grupeve, Zvicra arriti të vazhdojë tutje në 1/16-ën e Kampionatit Botëror “Rusia 2018” me katër pikë në pozitën e dytë.

Nga ana tjetër, Brazili mposhti Serbinë sonte me rezultat 2 me 0 dhe siguroi fitore edhe kundër Costa Ricas me të njëjtën rezultat për të vazhduar shpresat e tyre në trofeun e gjashtë botëror.Skuadra nga Amerika e Jugut do të përballen me Meksikën në raundin tjetër dhe ndeshja do të zhvillohet duke filluar nga ora 16:00 më 2 korrik.

Zvicra do të përballet me Suedinë në raundin tjetër dhe takimi zhvillohet duke filluar nga ora 16:00 një ditë më vonë./arbresh.info/