Lionel Messi insiston se do dëshironte që Neymar të rikthehej te Barcelona, por pranon se kjo nuk ka gjasa të ndodhë.

Braziliani u largua vitin e kaluar nga Camp Nou për t’iu bashkuar Paris Saint Germainit për një tarifë rekorde prej 222 milionë euro dhe tani është shënjestër për transferim e Real Madridit, transmeton portali arbresh.info.

Por, Messi ka pranuar se do të ishte i kënaqur nëse do të ekzistonte një shans për klubin katalunas që të ri-nënshkruaj me të.

“Sigurisht, nëse do të ishte e mundur, unë do doja rikthimin e Neymarit”, ka thënë Messi për ‘Mundo Deportivo’.

“Ai është një lojtar i jashtëzakonshëm dhe posedimi i tij sërish do të ishte fantastike. Të them të drejtën, unë e shoh shumë të vështirë për të imagjinuar që kjo do të ndodhë, por nëse do të varej nga unë, do të ishte e mrekullueshme”

Neymar është përfolur rreth një transferimi sensacional te rivali i tyre i përbetuar dhe kur Messi është pyetur rreth kësaj mundësi, ai shtoi:

“E vërteta është që nuk do doja që ai të shkoj në Real Madrid”

Messi ka pasur një raport të mrekullueshëm me brazilianin gjatë katër vite që kanë luajtur së bashku./arbresh.info/