Komisioni i Pavarur i Kualifikimit ka konfirmuar në detyrë gjykatësja e Gjykatës së Kurbinit Marçela Shehu.
Nga hetimi rezulton se Shehu ka qenë e rregullt, ndërsa ka deklaruar një shtëpi që nuk është në pronësi të saj, një makinë “Mercedes Benz” dhe 4 depozita bankare.

Në seancën dëgjimore të 1 qershorit KPK konstatoi se subjekti ka qenë bashkëpunues, teksa relatori Komici tha se bazuar në deklarimet e ILKPI gjyqtarja justifikon pasurinë, nuk ka bërë fshehje të pasurisë dhe as deklarim të rremë.
Sa i takon vlerësimit të figurës, Komici tha se DSIK ka kryer vlerësimin dhe ka dërguar nje raport ku konstaton përshtatshmërinë e Marçela Shehut.

Vetë gjyqtarja Marçela Shehu tha se është njohur me hetimin dhe verifikimet e KPK-së ndaj saj dhe është dakord me punën e kryer prej Komisionit, duke kërkuar konfirmimin në detyrë.