Konviktet hapin dyert për studentët

11:04 | 5 Tetor 2019

Ka filluar pranimi i studentëve që vijnë nga komunat tjera në konviktet në Qendrën Studentore në Prishtinë.

Rreth katër mijë studentë janë pranuar në tetë konviktet që gjendën në qendrën e studentëve të cilët kanë filluar akomodimin në këto objekte.

Ndonëse në disa konvikte vite më parë kushtet nuk kanë qenë të përshtatshme për banim, këtë vit janë rinovuar katër objekte.

Të pajisur me shtretër të rinj e ambiente të mira për studim, disa studentë të sapo vendosur shprehen të kënaqur me kushtet.

Isak Besa drejtor i strehimit tregon për arbresh.info gjendjen e konvikteve këtë vit.

Edhe mensa e ushqimit është e gatshme t’u ofrojë dy vakte të ushqimit për studentët që banojnë në konvikte.

Aty, studentët shprehen të kënaqur me ushqimin dhe përgatitjen./arbresh.info/

Shpërndaje në rrjete sociale

Lajmet më të lexuara