Kreu i PDK-së, Kadri Veseli, ka premtuar Fond të Punësimit për të rinjtë e Podujevës për jetësimin e ideve të tyre ndërmarrëse.

Përmes një statusi në llogarinë e tij, Veseli ka thënë se të rinjtë e Podujevës meritojnë trajtim më të mirë prej qeverisjes lokale.

“Podujeva e ka rastin e mirë për t’u bërë pjesë e Forcës së Ndryshimit me PDK-në. Të rinjtë e saj, me potenciale të mëdha, meritojnë trajtim më të mirë prej qeverisjes lokale. Atyre u premtova se në çdo komunë ku qeveris PDK-ja, përfshirë edhe Podujevën, do të krijohet një Fond i Punësimit për studentët e diplomuar që do angazhohen me punë praktike në institucione. Me këto fonde komunale të punësimit, ne do t’i stimulojmë të rinjtë për t’i jetësuar edhe idetë e tyre ndërmarrëse”, ka shkruar Veseli.