Për herë të parë BE ka gjobitur me 1.8 miliardë euro kompaninë e njohur Apple, për shkak të një hetimi mbi pretendimet se përjashtoi konkurrentët e saj të transmetimit të muzikës, përfshirë Spotify Technology SA, nga platformat e saj.

Sipas Bloomberg, Komisioni Evropian urdhëroi gjithashtu kompaninë me bazë në Cupertino të Kalifornisë që të ndalojë parandalimin e aplikacioneve të transmetimit të muzikës nga njoftimi i përdoruesve për ofertat më të lira përtej App Store të Apple. Kjo gjobë më e madhe se sa pritej është e para që i është shqiptuar Apple nga BE-ja.

Pas kësaj, aksionet ranë 1.5% në tregtimin para tregut në Nju Jork, ndërsa kompania ka apeluar vendimin.

“Për një dekadë, Apple ka abuzuar me pozicionin e saj dominues në treg në shpërndarjen e aplikacioneve të transmetimit të muzikës përmes App Store”, tha shefja e Komisionit Antitrust të BE-së, Margrethe Vestager.