Një kafene e robotizuar u hap në Tokio, ku klientët mund shijojnë një bashkëbisedim me robotin e quajtur Rob.
Njihuni me robotin Rob.
Është vetëm 35 centimetra i gjatë dhe peshon vetëm një kilogram, por është në këtë kafene i zoti i shtëpisë, dhe ka aftësinë të kërcejë dhe të flasë.
E gjithë kafeneja është e fokusuar rreth Robit, shpjegon Yujin Kimura, menaxher i firmës DeAgostini Japan.
“Donim që më shumë njerëz të njiheshin me robotin Rob. Kështu që na erdhi ideja e hapjes së kësaj kafeneje në mënyrë që njerëzit të vijnë dhe të ndërveprojnë me të.”
Kafeneja e ndodhur në zonën e njohur Ginza, të Tokios, ofron ushqim dhe pije të dekoruara me imazhet e robotëve.
Megjithëse kemi parë në të kaluarën shumë robotë kamarierë dhe kuzhinierë në Japoni, roli i Robit është vetëm ai i argëtuesit, ndërsa shërbimin dhe gatimin e kryejnë ndihmësit e tij njerëzorë.
“Po bëhet e disponueshme tashmë teknologjia që u mundëson robotëve të kenë komunikim të natyrshëm ose emocional me njerëzit. Kështu që mendoj se në të ardhmen robotët mund të marrim më shumë role që tani kryhen nga njerëzit”, thotë Yujin Kimura.
Roboti i dizenjuar nga Tomotaka Takahashi i Universitetit të Tokios, po shitet nga firma prodhuese e lodrave “Takara Tomy” dhe shpërndahet nga firma “DeAgostini Japan”, në formën e një lodre që klientët mund ta montojnë vetë. Rob kushton rreth 1500 dollarë.
Kafeneja robotike do të qëndrojë e hapur për klientët për tre javë.
Humb jetën turisti gjerman në Shqipëri
Vuçiq: Serbia i zbatoi të gjitha obligimet ndërkombëtare, Ko...
Sveçla: Grupet e drejtuara nga Beogradi sulmuan Policinë e K...
Guxo ‘thyen’ heshtjen për gjendjen në veri
Shkëlqimi i Martinez ka tërhequr vëmendjen e Real Madrid
Forbes publikon listën e klubeve më të vlefshme