Paris Saint Germaini ka konfirmuar nënshkrimin me Thilo Kehrer për 33 milionë funta duke mposhtur Barcelonën në garën për shërbimet e mbrojtësit U21 të Gjermanisë.

Si një produkt i akademisë së Schalkes, 21-vjeçari ka finalizuar transferimin te klubi në Parc des Princes pas sezonit të shkëlqyer 2017/2018, transmeton portali arbresh.info.

Kehrer ishte pjesë e skuadrës së Gjermanisë U21 që fitoi Kampionatin Evropian vitin e kaluar dhe tani do t’i bashkohet kampionit në Liga 1 për një marrëveshje madhështore.

Drejtori sportiv i Schalkes, Christian Heidel ka konfirmuar se Kehrer, i cili ishte gjithashtu shënjestër e Barcelonës, ishte i vendosur për të nënshkruar një marrëveshje të re me ata para se të arrinte oferta gjigante.

Kehrer ka bërë 33 paraqitje te Schalke në të gjitha kompeticionet sezonin e kaluar duke shënuar tri herë brenda tyre./arbresh.info/

✍️#WillkommenKehrer pic.twitter.com/QisVLl1uHs

— Paris Saint-Germain (@PSG_inside) August 16, 2018