Neymar ka konfirmuar se do të mungoj në ‘El Clasicon’  e kësaj jave ndërmjet Barcelonës dhe Real Madridit pasi klubi i tij vendosi për të mos vazhduar apelimin e vendimit kundër suspendimit të tij.

Sulmuesi brazilian është ndëshkuar me karton të kuq në disfatën e fundit të Barcelonës ndaj Malagas dhe është dënuar me dy ndeshje qëndrim jashtë fushe për shkak të duartrokitjes ndaj gjyqtarit, transmeton portali arbresh.info.

Kjo do të jetë një goditje e madhe për Barcelonën,  e cila udhëton në ‘Bernabeu’ për të siguruar fitore që të mbajë ende shpresa për titullin në La Liga.

Skuadra e Luis Enriques tashmë është tre pikë prapa Realit në tabelë dhe ‘Los Blancos’ madje kanë një ndeshje më pak, gjë që i vë afër titullit të parë në ligë qysh pas edicionit 2011/12.

Neymar ka shënuar 15 gola dhe ka krijuar 18 asistime gjatë të gjitha ndeshjeve këtë edicion./arbresh.info