Zyrtare: Miqësorja Shqipëri – Norvegji më 26 mars

Lojtaret e kombetares duke festuar shenimin e golit te dyte gjate ndeshjes se futbollit Shqiperi-Maqedoni, e vlefshme per eleminatoret kampionatit Boteror Rusi 2018, luajtur ne stadiumin Loro Borici, ne qytetin e Shkodres. Pas nderprerjes se ndeshjes mbreme per shkak te shiut te madh, pjesa e mbetur eshte luajtur sot ne ora 14. (foto / Fatlum Kurtaj)/r/n/r/nNational soccer palyers celebrating the second goal during the football match Albania - Macedonia, valid for Russia World Cup 2018 qualifiers, played in the Loro Borici stadium, in the city of Shkodra. After interruption of the match last night because of heavy rain , the remain game is played today at 14 o'clock. (photo/ Fatlum Kurtaj)

11:08 | 3 Janar 2018
Arbresh Info

Federata Shqiptare e Futbollit dhe homologia e saj norvegjeze kanë arritur akordin mes tyre për të luajtur në fund të muajit mars një ndeshje miqësore, në Shqipëri.

Pikërisht në datën 26 Mars (ora mbetet për t’u konfirmuar në ditët në vijim) do të zhvillohet në “Elbasan Arena” takimi miqësor mes përfaqësueses shqiptare dhe asaj të Norvegjisë.

Kështu, në këtë mënyrë, kjo datë e lirë për ndeshje miqësore do të shërbejë si një tjetër test për ekipin kombëtar të Shqipërisë, që drejtohet nga Christian Panucci.

Ballafaqimi i parë kundër skuadrës norvegjeze daton në vitin 1998 në Oslo dhe ka përfunduar në barazim 2-2, ndeshje e vlefshme për eliminatoret e Euro 2000, raporton SuperSport.

Në një bilanc të përgjithshëm, me kombëtaren e Norvegjisë, Shqipëria është ndeshur 4 herë, ku ka fituar një herë (me gol të Salihit në Norvegji), ka barazuar 2 herë dhe është mundur një herë.

Miqësorja e fundit e skuadrës shqiptare ishte ajo e fituar në Antalia me 13 nëntor 2017, ndaj përfaqësueses së Turqisë. Ndërkaq, në fund të janarit, Shqipëria do të njohë edhe kundërshtarët e saj në grup për eventin e ri që nis në shtator, UEFA Nations League./SuperSport/