Zyrtare: Llapi e transferon Labinot Osmanin nga Vushtrria

12:10 | 30 Korrik 2019
Arbresh Info

Llapi ka njoftuar se ka transferuar zyrtarisht Labinot Osmanin nga Vushtrria.

Golashënuesi më i mirë i skuadrës vushtrriase i është bashkuar familjes bardhekaltër në këtë afat kalimtar veror.

Sulmuesi vushtrrias i mirënjohur për publikun llapjan edhe zyrtarisht është pjesë e Llapit, pasi gjatë ditës së sotme ka nënshkruar kontratë një vjeçare me klubin.

Labinot Osmani gjatë momentit të nënshkrimit të kontratës me Llapin (Foto: KF Llapi/Facebook)

Labinot Osmani, qendërsulmues, ka luajtur për skuadrat e Hysit, Prishtinës, Feronikelit dhe së fundmi Vushtrrisë, me të cilën u inkuadrua në Superligë dhe arriti shifrën e 20 golave dhe 10 asistimeve.

Llapjanët do të shpresojnë që forma e mirë që e kishte te vushtrriasit, të vazhdojë edhe tek ata në edicionin e ri në Superligën e Kosovës.

Ndryshe, Llapi në sezonin e kaluar përfundoi në vendin e tretë në Superligë, duke grumbulluar 69 pikë.