Karim Benzema ka përfunduar transferimin e tij te klubi i Arabisë Saudite, Al-Ittihad pas largimit nga Real Madrid.

35-vjeçari kaloi 14 vjet me Real Madridin, duke fituar pesë tituj të Ligës së Kampionëve, pesë Kupa të Botës për Klube, katër tituj LaLiga, katër Superkupa të UEFA-s, tre Copas del Rey dhe tre Superkupa spanjolle, si dhe u largua si golashënuesi i dytë më i mirë në historinë e klubit me 354 gola në të gjitha garat.

Benzema is here ?✍️
A new tiger will roar ?
Welcome to Ittihad!#Benzema2Ittihad#here2inspireKSA pic.twitter.com/I3GEm90fRB

— Ittihad Club (@ittihad_en) June 6, 2023

Largimi i francezit si lojtar i lirë erdhi mes raporteve të përhapura se ai do të transferohej në Arabinë Saudite dhe ai kalim tani është konfirmuar, me Benzema që tani do të përballet me ish-shokun e skuadrës Cristiano Ronaldo sezonin e ardhshëm.

Benzema ka nënshkruar një marrëveshje deri në vitin 2026 dhe, sipas raportimeve, do të fitojë rreth 200 milionë euro në vit në Al-Ittihad./Arbresh.info/