Trajneri i Real Madridit, Zinedine Zidane raportohet se i frikësohet Juventusit para ndeshjes ndërmjet dy gjigantëve në Ligë të Kampionëve.

Pas eliminimit që ia shkaktuan Paris Saint Germainit në xhiron e 1/8-së në UEFA Ligë të Kampionëve, Juventusi është rivali i ‘Los Blancos’ në çerekfinale pas fitores së “Zonjës së Vjetër” kundër Tottenhamit në raundin e mëparshëm, transmeton portali arbresh.info.

Siç raporton gazeta spanjolle ‘Marca’, edhe pse Real Madridi fitoi 6 me 3 kundër Gironas së fundi, Zidane i frikësohet Juventusit për shkak se skuadra e tyre është në gjendje të shënoj nga ndërprerjet. Gonzalo Higuain dhe bashkëlojtarët e tij ka gjetur rrjetën 19 herë nga këto raste.

Zidane është i shqetësuar nga fakti që skuadra e tij pranoi tri gola kundër Gironas dhe se Juventusi mund t’i godas ata në atë zonë kur të dy klubet të përballen në çerekfinale të Ligës së Kampionëve.

Takimi i parë ndërmjet dy gjigantëve zhvillohet më  3 prill në Turin, ndërsa ndeshja kthyese zhvillohet më 11 prill në Bernabeu./arbresh.info/